لو سمحتم ياريت تقدير .. الموضوع مش بالسهوله دى !

من طرف • Joe • الأحد 13 سبتمبر - 16:58

تذكير بمساهمة فاتح الموضوع :

بعد إذن مشرفين منتدى الدعم .. اللى بصراحه شايف إن فيه تقصير فى التعامل مع المواضيع بتاعه الأعضاء بسبب مشكله التحويل للموقع .. أيوا فيه تقصير ولو سمحتم متفهموش كلامى على أنه لهجه غير مناسبه للتحدث مبدأيا انا مش عضو جديد فى أحلى منتدى أنا فى أحلى منتدى بقالى 6 سنين ولكنى تركتها فتره ورجعت تانى فعلشان كدة عضويتى جديده وبقول كدة علشان الرد عليا ميكنش على أنى عضو جديد لسه لا أفهم شئ عن أحلى منتدى .. المهم اللى عايز أتكلم فيه هو أن حضراتكم لازم تحسو كويس أوى أوى باللى مديرين المنتديات اللى بيهتمو بمنتدايتهم بيمرو بيه دلوقتى .. فى ناس عملت منتديات على شركه أحلى منتدى علشان واثقه فيها وتعبت فى المنتدى علشان تكبره وتشهره وتجيب أعضاء له كتير وفيه منتديات لها أعضائها وزوارها اللى مديرين المنتديات دول تعبو علشان يوصلوهم لكدا .. فلو سمحتم متتعاملوش مع العضو كدة .. بمعنى انو مينفعش لما تلاقو عضو بيعمل موضوع وهو منزعج جدا من المشكله كل ردكم على كل المواضيع هو لينك الموضوع الموحد ثم تغلقو الموضوع !!!!!! يعنى حتى حضرتكم مسمحتوش للعضو بمساحه يرد فيها يقول أى حاجه .. لو سمحتم أنا أطالب بعدم غلق أى موضوع لأى عضو عن الموضوع دة بزات لأن الناس دى مش لعبه الناس دى مش ذنبهم إن بيحصل كل دة المفروض الناس دى نتعامل معاهم بأكبر أهتمام وأحترام وأهميه وقلوبنا تبقى معاهم أكتر بكتير من كدة .. الموضوع فعلا زاد جدا عن حده تقريبا المنتديات مبقتش موجوده خلاص .. الموضوع مش بالسهوله دى الموضوع دة لو أستمر المنتديات دى كلها هتقع من نحيه محركات البحث .. أحب أقولكم إن ردكم غير مقنع بالمره .. على الأقل الزعيم لازم يدخل يقول حاجه للناس اللى هنا دى حاجه تصبرهم لأن فات كتير على رد الزعيم الأخير عن الموضوع دة وأنا عارف كويس أن مشغولياته كتير والناس دى اللى مش عارفه تعمل ايه ولازم يحسو أكتر بأمان ولو سمحتم محدش يحطلى أى لينك لأى موضوع علشان قريت كل حاجه ولو سمحتم محدش يغلق الموضوع دة لأن الموضوع دة إن غلق أنا هعتبر فيه أهانه شخصيه لعدم حريتى فى الكتابه هنا حضره المشرف حضرتك عضو زيك زيي بالظبط ولو سمحت أنا مش كاتب موضوع خارج علشان تغلقو لا أريد غلق الموضوع دة فعليك أحترام طلبى ..
حضرتكم لو شفتو بعض ردودى فى المواضيع هتلاقونى بصبر الناس وبحاول أساعدهم بأى حاجه حتى وإن بالصبر .. الأيام دى بزاات مينفعش بتاتا غلق مواضيع للأعضاء اللى بتكتب مشاكل عن الموضوع دة .. دة فيه خطوره الناس كدة كلها هتمل وهتزهق وهتسيب المنتديات وهتستعوض ربها على تعبهم اللى راح المشكله عابره بس مش للدرجادى !!!! انا حاسس ان الموضوع دة هيفضل لحد أخر الشهر ..

وفى طلبى الأخير أطلب من جميع أعضاء ومشرفى وخبراء منتدى الدعم أحترام وأهتمام زايد اكتر من كدة للأعضاء اللى بتطرح مشكله تبع الموضوع دة وأحترام عصبيتهم ونرفزتهم بسبب الموضوع دة لأن الموضوع مش سهل خالص نهائى الموضوع كفيل بأنه يوقع كل زوار واعضاء المنتدى وهيتسبب ف خساير كتير لأصحاب المنتديات الناس دى أهم بكتير أوى من أى حاجه الناس دى هى الأساس دول مش مجرد أعضاء ماسكين منتديات ..

وياريت محدش يفهم من كلامى أنى بقول ان مشرفين الدعم مش محترمين بالعكس أنا بحترمهم وأعلم جيدا أن كلهم محترمين وذو أخلاق بس ياريت تقرو الكلام دة بدقه وعقلانيه وتحسو بيه ولا تفهمونى غلط ..

أطلب بعدم غلق الموضوع دة وجعل الردود مفتوحه لأى عضو يحب يبدى رأيه ..

وان شاء المشكله تتحل .. :)

Mohamed Nsr كتب:السلام عليكم

ثانيا,سؤال بيدور في بالكم طاب ليه احلى منتدى مش قادره تحل المشكله مثلا ؟؟طبعا احلى منتدى تقدر تحل المشكله في وقت قصير بس محتاجه معلومات بيانات عشان نقدمها ونقول للشريك الاعلاني ان الاعلان ده بينقل لموقع اخر,,فمثلا انتا لو رحت لقسم شرطه هل هتروح تقول واحد سرقني تروح الشرطه تطلع تجيب الحرامي عشان انتا قلت لا طبعا لازم توفر ليهم المعلومات وكده عشان تبقى صح,,وهو ده اللي مع احلى منتدى حاليا مش قادره توفر الاعلانات اللي بتظهر ليكم عشان ده بتختلف من بلد لبلد ومنظقه لمنطقه لانها بتعتمد على ال IP مش معقول مثلا عرض في مصر هتلاقي اعلانه لعضو في السعوديه مثلا !!

طاب دلوقتي ايه المطلوب توفروا لينا اكواد الاعلانات و صوره ليها ورابط اللي بيوجه اليك والبلد صعب كده؟؟ووعد مني بس توفروا المعلومات ده هتتحل المشكله علطول

مشرفنا الفاضل تحية طيبة انا اقتبست بعض من كلماتك ولعلم سيادتكم كتبت موضوع وبة كل ماطلب منا بعد ان وجدت الموضوع الموحد مغلق؟؟؟؟؟؟

وتم حزفة الى سلة المهملات؟؟؟

وهنا رابط الموضوع بالمطلوب؟؟؟

https://help.ahlamontada.com/t1080202-topic

ونحنوا فى الانتظار وربنا يوفق الجميع فى حل هذة المشكلة مع الشكر

النجم-الذهبى كتب:
Mohamed Nsr كتب:السلام عليكم

ثانيا,سؤال بيدور في بالكم طاب ليه احلى منتدى مش قادره تحل المشكله مثلا ؟؟طبعا احلى منتدى تقدر تحل المشكله في وقت قصير بس محتاجه معلومات بيانات عشان نقدمها ونقول للشريك الاعلاني ان الاعلان ده بينقل لموقع اخر,,فمثلا انتا لو رحت لقسم شرطه هل هتروح تقول واحد سرقني تروح الشرطه تطلع تجيب الحرامي عشان انتا قلت لا طبعا لازم توفر ليهم المعلومات وكده عشان تبقى صح,,وهو ده اللي مع احلى منتدى حاليا مش قادره توفر الاعلانات اللي بتظهر ليكم عشان ده بتختلف من بلد لبلد ومنظقه لمنطقه لانها بتعتمد على ال IP مش معقول مثلا عرض في مصر هتلاقي اعلانه لعضو في السعوديه مثلا !!

طاب دلوقتي ايه المطلوب توفروا لينا اكواد الاعلانات و صوره ليها ورابط اللي بيوجه اليك والبلد صعب كده؟؟ووعد مني بس توفروا المعلومات ده هتتحل المشكله علطول

مشرفنا الفاضل تحية طيبة انا اقتبست بعض من كلماتك ولعلم سيادتكم كتبت موضوع وبة كل ماطلب منا بعد ان وجدت الموضوع الموحد مغلق؟؟؟؟؟؟
وتم حزفة الى سلة المهملات؟؟؟
وهنا رابط الموضوع بالمطلوب؟؟؟

https://help.ahlamontada.com/t1080202-topic

ونحنوا فى الانتظار وربنا يوفق الجميع فى حل هذة المشكلة مع الشكر

تم وضع محتوى موضوعك:

رد: (موضوع موحد)مشكلة تحويل المنتدى لصفحة اعلانات

لان المعروف والدارج ان في حال بيع النوافذ بدون اندر بتكون الفتحة في صفحة خلفية للمتصفح وليس اعادة توجية وان اعادة التوجية تتم بسكربت لابد من تركيبة في قاعدة البيانات

دا كلام عضو وخبير هنا

كمان بتقول طلبتوا تجميع بيانات

قوانا شبكة الفنار فلسطينية

وروابطها بعتها اعضاء

واكواد بعتها اعضاء

مطلوب ايه تانى نجيبه

معى كده محتاجين شهور نجمع ونحقق

عارف لو طول المدة ماياثر علينا عادى ننتظر سنة مش شهر

بس تفتكر بعد شهر دى مش مدة كافية لانتهائنا

زوارنا واعضائنا رحوا

واحنا مش لاقين رد

سابونا طبعا

مانقدرش نقولهم الشركة هنا لسة بتشوف حل

بنجيبها فى نفسى انا والعيب عندى

لازم رد وبرد كان نفسى برد هنا ارده مالقيتش

غير نقفل الموضوع وبلاش بلبلة ونزيغ عن موضوعنا

لانى لو قولتلهم كده يزيغوا من المنتدى كانوا من اول يوم

وادينا منتظرين الحل وحد بعمل دليت ويلغيهم

اسفة للاطالة

وبرضة اكتر من مرة اقول من غيرتى عالشركة

والمنتديات بحكى بحرقة مش بجرح حد طبعا

تحياتى للجميع

لحد الأن لا أفهم لم فتح مواضيع عدة ولدينا هنا الموضوع قد تم فتحه:

رد: (موضوع موحد)مشكلة تحويل المنتدى لصفحة اعلانات

فلتضعوا هناك ما لديكم أخواني من بيانات. بإنتظار صاحب الموضوع المرور على موضوعه

لوردناين كتب:لحد الأن لا أفهم لم فتح مواضيع عدة ولدينا هنا الموضوع قد تم فتحه:
رد: (موضوع موحد)مشكلة تحويل المنتدى لصفحة اعلانات

فلتضعوا هناك ما لديكم أخواني من بيانات. بإنتظار صاحب الموضوع المرور على موضوعه

الموضوح الموحد يعد اكثر من 15 يوم لم يأتي بثماره فالزعيم نفسه أغلقه بعد كم من الأكواد التي رأيتها بلا فتائدة ولكنه هو نفسه اكتفى بها واقتبس منه :

شكرا لكم على ما وضعتموه في هذا الموضوع من معلومات و جاري تجميعها و ترتيبها ثم مراسلة شريكنا الاعلاني بها ليقوم بحجب الإعلانات التي تسبب هذا المشكل

وبعد اكثر من 10 أيام يأتي Mohamed Nsr ويقول :
شكرا جدا اعزائي على ما قدمتوه ولكن للاسف لم تقدموا المطلوب بالظبط ولذلك المشكله تاخرت حاولنا مع الذي قدمتوه ولكن للاسف ليس المطلوب بالظبط

ثم يرجع يقول نفس المشرف :
يا شباب الى الان مفيش غير 4 او 3 بس اللي قدموا ليا المطلوب,,فياريت نكتفي بالرد بس المطلوب وانا والله متابع الموضوع وبجمع الحاجات ده وهرسلها للزعيم علطول والزعيم مباشرة هيرسلها للشركه الاعلانيه مباشرة فقط البيانات وسيبوا الباقي علي الزعيم

رغم ان الذين قاموا بطرح "المطلوب" هم بالاساس 3 أو 4 لا أكثر ولا أقل فكيف لنا ان نعرف من منهم الذيس أتى بالمطلوب رغم اختلاف كل منهم!

تظنون اننا ابطال في برمجة المنتديات وما الحاجة لكم اذا ظننتم ذلك ما الذي يمنعنا من قتح منديات خاصة بنا والـ phpbb source هو مجاناً !

عندما أغلق الموضوع الموحد ابتدينا نفتح مواضيع نوضح المطلوب فيها لنجد "اجابات" بان الموضوع في يد الزعيم ولا حاجة لما تكتبوه وهو ما قاله الزعيم بقوله لا حاجة لفتح مواضيع جديدة والان يفتح الموضوع مجددا طالبا معلومات مرة أخرى ولم يوضح حتى ما الخطأ فيما ارسله السابقون ولم يعطينا مثال ولو من منتدياتهم يا للسخرية! ..

لوردناين كتب:
تم وضع محتوى موضوعك:
رد: (موضوع موحد)مشكلة تحويل المنتدى لصفحة اعلانات

الف شكر مشرفنا الكريم وان شاء الله تحل المشكلة قريبأ

بارك الله فيك ونفع بك

ننتظر صاحب الموضوع للرد الأخير, لان المُشكله يتوجب مُتابعتها في الموضوع المُوحد Cool

لوردناين كتب:ننتظر صاحب الموضوع للرد الأخير, لان المُشكله يتوجب مُتابعتها في الموضوع المُوحد

حضرتك تقدر دلوقتى تحذف الموضوع دة نهائيا .. ياريت متكتفيش بأنك تقفله بس أحذفه خالص من المنتدى .. وبرجاء عدم قفل المواضيع المتعلقه بموضوع تحويل المنتدى لموقع أخر إلا لما صاحب الموضوع يرد الأول ويقول فهم أيه أو يفهم الأول ثم تقفل الموضوع لأن الناس لما تلاقى الموضوع أتقفل وهما لسه فى حاجه مش فهمنها هتضايق من القفل .. دمتم بخير وإن شاء الله المشكله تتحل .. أتفضل :)