الامل المستحيل . هل سيتحقق قبل عام 2500 م

الاخوة والاخوات الكرام .
قبل عام تقريبا طلبنا من ادارة : كنا طلبنا من الادارة ان تقوم مشكورة بسحب واسترداد المصيبة التي رمتها علي المنتديات والمسماه صندوق الكتابة  الماسي اللي ضحكت علينا بيه الادارة الموقرة ( تقريبا الصندوق دا له صلة قرابة باحلي منتدي وفيه ناس كتير بتقول : انه قريب واحد من المشرفين المقربين من المدير وكان صايع مش لاقي شغلانه فبعت خالته تتوسط عند قرايبها في احلي منتدي علشان يشغلوه  .فاحلي منتدي اتحرجت وقالت نرميه في اي حته في المنتدي وخلاص . فاعترض الجماعة المشرفين وقالوا الواد ده حيسبب لنا مشاكل قي الشغل لانه لسه جديد ومش فاهم حاجة وحيتعبنا علي الاخر  . وقعدوا يفكروا يعملوا ايه  وكان معاهم مشرف جزائري مكار فقال لهم انا ححل لكم المشكلة . وخد بعضه ودخل علي الادارة . والجماعة المشرفين قاعدين علي نار عايزين يعرفوا ايه نتيجة الزيارة لانهم مش عارفين ايه اللي في دماغ صاحبهم بالضبظ . المهم اتفتح باب مكتب المدير وخرج صاحبهم  مبسوط وفرحان  .وقال لهم اطمئنوا يا جماعة خلاص خلصنا من الصندوق الماسي وارتحنا من قرفه .فقالو له ازاي وعملت ايه ؟ فقال لهم انا بخبرتي وحنكتي ودهائي استطعت اقناع المدير (بتوزيعه علي المنتديات ) بحجة التطوير . ففرحوا وهللوا وحملوه علي الاعناق واخذوا يطوفون به في ارجاء ونواحي المنتدي هم وجميع العاملون وهم يغنون ويرقصون .
المهم كنا طلبنا سحب هذا الهمام وتحطيمه نهائيا واطلاق حرية واخلاء سبيل المغلوب علي امره والمتهم البريء والمظلوم  الصندوق القديم
فطلبوا مننا ان نكتب هذا الطلب في قسم الاقتراحات . هههههه
يعني مفيش فايدة  هوه احنا نموت في تعقيد المسائل وفي الروتين اللي جابنا ورا وخلاص . يعني لما رمتوه علينا كان بضغطة زر وفي ثانية واحدة
وعلشان تخلصونا منه . لازم تدخلونا في دوامة روتين مكروه وغير مقبول وطلبات واقتراحات واجتماعات وادارات  وكلام فاضي لا يثمن ولا يغني عن جوع  ويطول الامر عدة  سنوات . ولا علشان هذا الصندوق اللعين قريب واحد من المشرفين ؟؟؟

السلام عليكم

عندما قرأت بدايه الموضوع كنت اود ان اناقشك فى الامر
لكن بعد ان اكملت الموضوع وجدت كميه سخريه كبيره للأسف
ولهذا فلا جدوى من الكلام والمناقشه لأنك لم تحترم من وجهت لهم الامر
عذرا يغلق الموضوع لأن القسم غير مناسب