بعض المشاكل والتساؤلات والاقتراحات واتمنى الرد r7aal

من طرف r7aal السبت 13 ديسمبر 2014 - 1:16

بسم الله الرحمن الرحيم

السلام عليكم ورحمة الله وبركاته

مديرى ومشرفى واعضاء وزوار منتدى الدعم اهلا ومرحبا بكم

فى البدايه احب اشكر كل انسان ساهم فى الخدمه العظيمه دى

كنا فى البدايه بنحس بضعف لما بنكون موش قادرين نجيب منتدى مدفوع بسبب الحالات الماديه وبنلجأ بخجل للمنتديات المجانيه لكن بمجهودكم الجبار وشغلكم الرائع فى تحسين وتطوير وتقديم الخدمات الرائعه دى اصبع وعلى الاقل من وجة نظرى ان المنتدى المجانى دى اخد خطوه كبيره تنافس واحيانا تتفوق على المنتدى المدفوع من حيث الشكل والتعامل فيه

بس هناك بعض النقاط التى اتمنى ان يهتم بها الاداره :

1_ اول شئ فى اكواد كتيره اوى وجميله اوى اوى للمنتدى احيانا بكون محتاج انى احط كتير منها زى وعلى سبيل المثال ( محتاج فى منتدايا حاليا احط كود خروف العيد + كود الساعه + الزينه + كود تغير لغة المنتدى + كود اخبار الطقس + كود رفع الملفات )

طبعا ده موش طمع منى ولا حاجه هههه بس احيانا بكون مثلا محتاج احط الاكواد دى كلها لانى محتاجها والمشكله هنا طيب ازاى هحطها اذا كان كلهم بيكونو ف مكان واحد ( اعلى صفحة المنتدى ) ؟

ولو حطيتهم كلهم مع بعض بيكون حجم المنتدى كبير اوى فى مكان ( الاعلانات ف الصفحه الرأيسيه ) ؟

يعنى اتمنى لو ينفع ولو مستقبلا يكون فيه طريقه نحط الاكواد دى فى اكتر من مكان فى المنتدى يعنى مثلا ( احط كود خروف العيد يكون بجوار لوج الموقع على اليمين + احط كود الساعه بجوار لوج الموقع على الشمال + احط كود الزينه على بداية الاقسام مثلا + احط كود تغير لغة المنتدى فى اسفل يمين الصفحه الرأيسيه + احط كود اخبار الطقس فى اسفل يسار الصفحه الرأيسيه + احط كود رفع الملفات مثلا فى اعلى المنتدى بس فى قسم من الاقسام فقط ولا يظهر على الرأيسيه ... وكذا )

اتمنى من الاداره موش يعتبرو ده طمع منى بس هل فى تقنيه ممكن توفر كده ولو فى المستقبل ؟؟

بالنسبه لتانى شئ هوا ياريت يكون فيه تقنيه لاضافة خطوط للمنتدى يعنى على سبيل المثال المنتدى بيتوفر على بعض الخطوط بس انا بحب اكتب بخط تانى وعاوز اضيفو فى المنتدى عشان يكون من ضمن الاختيارات بجد بتمنى التقنيه دى ؟؟

بالنسبه لـ تالت شئ وهوا استفسار ليه احيانا الالوان والخطوط موش بتظبط معايا يعنى على سبيل المسال كتبت سطر وعملت تشغيل الاكواد وحطيتلو لون ( اصفر ) وخليت الخط بتاعو ( 24 ) وبرسل الموضوع بتفجأ لما اجى اشوفو تانى ان اللون بيكون ( ابيض ) مثلا والخط صغير ومكتوب جامبو كلمة (size=24 هنا النص ) وهكذا ليه ؟؟[/size]

رابع اقتراح اتمنى يكون فيه تقنيه توفر تلوين كل جزء لوحده يعنى على سبيل المثال دلوقتى انا لون المنتدى عندى ( اسود ) وعاوز اخلى اللون داخل المنتدى ( رصاصى ) بس بلاقى اللون ( الرصاصى ) ده هوا هوا لون خلفية الموضوع وطبعا اللون ده موش بيظهر عليه اغلب الالوان واضحه وعشان اغيرو لازم يتغير معاها اللون الداخلى للمنتدى الى انا موش عاوز اغيرو وحاولت قبل كده اضع كود لوضع صوره كـ خلفيه للموضوع لكن موش ظبطت معايا ولاقيتها داخله على البينات وشكلها موش كويس ياريت يكون فيه طريقه لتلوين كل حاجه فيهم بنفصال عن التانيه ؟؟

خامس اقتراح فى بعض الاحيان بيكون عندى منتدى اشتغل وتعبت فيه وبقى فيه اكتر من 1000 موضوع مثلا بس للاسف بيحصل فيه مشاكل بضطر اسيبو واعمل واحد تانى ي سلام بقى لو فيه تقنيه تسمح بنقل المواضيع كلها من المنتدى ده للمنتدى ده مثلا مع تعديل اسم مرسل الموضوع يبقى كده تمام اوى ..

وياريت لو فيه حد يعرفنى لو انا مثلا عاوز احط اغنيه تشتغل ف المنتدى بدال الراديو مثلا عاوز اغنيه معينه تشتغل اول ما نفتح المنتدى وتكون ايقونتها صغيره وفى اسفل الصفحه الرأيسيه زى المنتدى المدفع ياترى ينفع ولا لا ؟

وبعتذر على الاطاله عليكم واتمنى الاقى رد يفرحنى ومع تحياتى

r7aal

منتدى مولاتى
www.moulati.arab.st

قناة المعلم التعليميه للشروحات المصوره والشروحات التعليميه والثقافيه والفنيه والتكنلوجيا
نحن نؤمن بأنه ليس هناك رجلا يعرف كل شئ ولكننا نؤمن بتبادل الافكار
اذا اعجبكم الشرح ارجو ان تضغطو على زر ( اعجاب + مشاركه )
ومتابعتنا على قناة المعلم عبر الرابط التالى
https://www.youtube.com/channel/UC6
ومتابعتنا عبر صفحتنا فى الفيس بوك عبر الرابط التالى
https://www.facebook.com/groups/ELMO3LM/