اقتراح بخصوص مسابقة الفيديو الاعلانى

انا عندى اقتراح
او ممكن تسموه طلب

ممكن الادارة هى اللى تختار الثلاث فيديوهات ؟
يا جماعة اكيد انتوا فاهمين ان فيه شوية حركات مش كويسة بتتعمل
انا مش بأشكك فى عضو بعينه لسمح الله
بس لو كانت النتيجة من غير غش بعض الاعضاء كان هيبقى فيه شوية توازن

اكيد انتوا لاحظتوا عدد الاعضاء اللى زاد جدا من ساعة التصويت
العضو المشارك فى المسابقة يقول لأصحابه و معارفه و هما يسجلوا و يصوتوله

انا الفيديو بتاعى مش من احسن ثلاث فيديوهات طبعا
فيه احسن منه كتير
و دة يأكدلكوا انى مش قصدى حاجة
كمان يعنى موضوع المسابقة ميستاهلش انى احارب حد و ميستاهل بردة اللى الاعضاء عملوه دة

ياريت الادارة هى اللى تختار الفيديوهات اللى هتفوز
او على الاقل تختار عشرة منهم بس للتصويت
عشرين فيديو كتير اوى
و اكيد الاعضاء هيشوفوا اول كام فيديو بس مش هيشوفوا كله

و دة هيبقى فيه ظلم للباقى

دة مجرد اقتراح
و اتمنى انكوا تنفذوه