فى البداية عائلة احلى منتدى بتكسب من الاعلانات الموجودة على منتدانا والان الاعلانات زادت وبقت على الروابط كمان الموجوده فى المنتدى واعتقد ان ده حقهم لان فى المقابل
بناخد منتدى مجانى وبيتم اضافات تقنيات جديدة وبيوفروا لنا كمان الدعم اللازم فى منتدى الدعم هنا

وعلى الجميع ان يعلم ان قوة منتدايتنا تعتمد بشكل اساسى على امكانيات المنتدى ومستوى منشئ المنتدى ومستوى الدعم اللى بيقدم لنا هنا
انا شايف ان الاسئلة الشائعه ومواضيع التقنيات الجاهزة ممتازة بس دى تعتبر بتعرفك قدرات منتداك فقط واضافة بعض الاشياء البسيطة

انما ان اجعل منتدايا قوى وينافس منتدايات الفى بى الجبارة فلا يستطيع منتدانا ذلك اولا معندناش قدرة بكتابة الاكواد زى الجدوال والقوائم المنسدلة والمجلات يعنى لو فرضنا ان فيه منتدى مجانى بيقدم محتوى وليكن اسلامى او علمى او العاب مثلا ومنتدى فى بى بيقدم نفس الخدمة لكن عامل مجلة رائعه وليكن مثال ماى ايجى
وجاء زائر شاف المنتديان هيذهب من وجهة نظركم لاى منتدى .......

ده الفكره اللى حبيت اوضحها قبل مااضع اقتراحى هنا علشان ان شايف منتدى الدعم محتاج لاكواد كتير وخاصة اكواد الجافا مش الساعات والحاجات البسيطة دى لا للجداول والمجلات وخلافه من المظاهر اللى تعطى احساس بقوة المنتدى وتجعل الاف الزوار يشتركوا ويضيفوا ردود كمان

اولا اقترح بتعيين خبراء متفرغين تماما اى ليس لهم منتديات اخرى يمتلوكها ومش مشغوليين بها هؤلاء الخبراء متخصصين فى تصميم المواقع بمختلف انواعها لان من القوة معرفه خصمك جيدا وعلى معرفه تامه بالاكواد بمختلف انواعها وذلك للتخفيف على اعضاء المجموعات من مساعدين ومبدعين الذين لهم منتديات يجب التفرغ لها بالاضافة لان ورائهم دراستهم ووظائفهم.

ثانيا زيادة عدد المساعدين من الخبراء فى الاكواد بمختلف انواعها وتعيين لكل قسم المسئول عنه لتخفيف الضغط الكبير على المساعدين وحتى لا يكون المساعد مشغول بكذا مشكلة مختلفه تؤدى إلى التشتيت والتاخير فى عمل الطلبات وكى يكون مكتسب الخبرة والسرعه فى القسم المخصص له.

ثالثا ان يتم عمل دورة تدريبية من حين لاخر للمشرفين والمساعدين ولزيادة خبراتهم فى خبايا المنتدى وكمان يتم عمل فيديوهات لجميع الشروحات على اليويتيوب للتسهيل على الاعضاء المبتدئين.

واظن بكده هيبقى عائلة احلى منتدى هتاخد شهرة كبيره جدا واعضائها هيبقى اقوياء جدا فى عالم المنتديات ومنتدى الدعم هيصبح اقوى بكثير