اقتراحى بسيط و عملى من ملاحظة لاحظتها

أولا

لما عضو بيشترك و بيتأخر عليه التفعيل شوية

أو مابيلاحظش إنه فيه تفعيل أصلا

طبعا بيروح داخل على صفحة الدخول على طول

و يكتب الاسم و كلمة السر زى ما سجل بيهم

و يدوس دخول

يلاقى جملة ظريفة بتقوله الاسم غلط و كلمة السر غلط

طبعا بيتعصب و يقول بلاه المنتدى (الفاشل)ده

طيب ليه ما يطلعلهوش رسالة أظرف من التانية دى تقوله

[ عزيزى العضو أنت لم تقم بتفعيل حسابك لدينا بعد
وصلتك رسالة على البريد المسجل لدينا
نرجو الدخول عليها لتفعيل اشتراكك ...
و شكرا ]

و بدل ما نساوى بين الغلط فعلا فى كلمة السر و الاسم

و بين المشترك و مش مفعل يبقى فيه تسهيل على الكل

و عندى اقتراح تانى فى نفس السياق و ما يستحقش إنى أحط بيه موضوع جديد

نفس الشئ بيحصل للعضو اللى اتفعل من المدير

و وصلته الرسالة متأخرة و دخل و داس على رابط التفعيل

بيطلعله الرسالة دى

( عفوا لكن لا يوجد عضو بهذا الاسم)

نفس رد فعل العضو غير المفعل بيتعصب و يقفل الموقع

لكن يحصل إيه لو اتحطت جملة له بتقول

[ لقد قامت دارة المنتدى بتفعيل اشتراكك بالفعل ...
يمكنك الدخول من هنا ]

و من هنا دى عليها رابط الدخول

هما اقتراحين أبسط من البساطة

فقط للصالح العام أمام الأعضاء و المشتركين

و شكرا جزيلا لمن وصل فى قراءة هذين الاقتراحين لهذا السطر

و عفوا للإطالة